اغلاق مؤقت.!

مبدئيا انا عرفت مين اللى ورا الهكر والطرواده
وخدوا بالكم من اللى بيدخلوا مدوناتكم واللى يلاقى عنده فى الاكونتر بتاعه كلمه اسرائيل ياخد باله من الايملات عنده ويتفحصها كويس لان الناس دى بتهكر على الاجهزه وبتعرف خط سير صاحب الجهاز كويس ومعلوماته وكل شىء عنه
وبتدخل توزع ايميله على ناس ميعرفهمش ومش بس كدا دى بتوزع معلوماته عنه كمان وتكلمهم على انه صاحب الميل ووجدت عندى ايميلن مضيفتهمش وعندهم علم بيا فى حاجات كتير ....
وباذن الله اما افضى حوريهم شغلهم بمعونه ربنا سبحانه وتعالى وبالاستعانه ببعض الاصدقاء باذن الله ومن هنا لوقتها..
افوض امرى الى الله ان الله بصير بالعباد ...
وثانيا والاهم :
حيتم توقيف العمل فى المدونه مؤقتا حتى انتهاء الامتحانات ومشروع التخرج ان شاء الله دعواتكم ليا وحفتقدكم قوى .

ولو كان ليا عمر ومجاتليش انفلونزا الخنازير :) ورجعت تانى اكتب حغير خط سير المدونه باذن الله..
اما ان مكانش ليا عمر فادعولى ...
كل سنه وانتوا طيبين بمناسبه الامتحانات:))
تمنياتى باوفق الاجابات والنجاح لكل المدونين

اختكم المجنونه دائما سومه
حتوحشنى يا بطيخ لحد ما ارجع:(

انا مفيش منى اتنين..!!

كان يا ما كان فى ليله من ليالى الزمان
فجاه كدا وبدون مقدمات اقول لنفسى دا انتى قمر انتى عسل انتى انتى مفيش منك اتنين فى البلد ايه دا هو بطيخ كان يطول ولا يستجرى ولا يترجى انك تبصيله يا بنتى دا كفايه الباتون ساليه اللى بتاكليه كل يوم(عشان طبعا مفيش اكل فى الكليه والساندويتشات خربت معدتى) ولا ايدك ونضافتها دى حتى من كتر النضافه والنعومه بتفكرنى بايد محمود المليجى فى فيلم الارض
(نتيجه المطبعه واللى بيحصلنا جواها واللى مش عارف المطبعه دى مكان اسود فى اسود كله مكن واللى فيه شبه العمال) وكله كوم يا بت يا سومه وعينك دى عينك من جمالها فيها حور كدا زى اللى عب وهاب غناله
(دا نتيجه كتر التركيز بؤبؤ عينى خاصم البؤبؤ التانى )
......................
سوسن :بت يا سومه انتى بتكلمى نفسك سلامه عقلك يا حبيبتى
سومه:عقلى ايه هو حد فى كمالى ولا عقلى ولا رزانتى يا بنتى بطلوا حقد عليا بقى
سوسن:ربنا يشفيكى يا اختى ويهديكى
سومه:انا اصلا اصلا مهديه يا بنتى انتوا بتنفسنوا عليا عشان انا اعقل انسانه فى الدنيا واذكى انسانه فى الدنيا ...........
ترررررررررررررت (صوت جرس التليفون)
سومه:الووو
عمو:ايوه مين
سومه:معاك القمر يا عمو
عمو:يا سلاااام دا على كدا انا كلمت مجره تانيه خالص عندهم القمر مختلف شويه
سومه:وبعدييييييييييييين انتوا ليه مش مقنعين انى فعلا قمر
........
ترررررررررررررررن(جرس الباب)
سومه:هاى ازيك يا انت يالى اسمك بطيخ
بطيخ: صباح البتنجان يا حياتى هى وصلت؟؟
سومه:هى مين ؟؟
بطيخ:لالا ولا حاجه
سومه:شوفتنى وانا قمر
بطيخ:ها هو فين القمر دا احنا الظهر
سومه:يييييييييييه ركز يا بطيخ بقى بقولك انا القمر
بطيخ:وماله ماهو الجمال الباطنى مفيش احسن منه
سومه:يعنى ايه جمال باطنى؟
بطيخ :يعنى انا مبيفرقش معايا الشكل كفايه جمال الروح
سوسن:طلعت روحك انت وهى صحيح اتلمت سومه على بطيخ دا بدال ما تعقلها
بطيخ:مفيش حاجه اسهل شويه من انى اعقلها...طيب ممكن استعين بصديق فى حاله معرفتش
سوسن:معاك مطلق الحريه
...........
بطيخ اتصل بالعباسيه
الدكتور متخفى لابس بدله وفوقها بالطوا ابيض :
ها يا حبيبتى انا عاوزك تكونى ريلاكس خالص
سومه:ما انا سريلاكس اهو شايفنى بطنطط ولا بشد فى شعرى... انت مين؟؟
الدكتور:ياااااااااااااه ممتازه فعلا
سومه:قولى يا دكتور انت عبيط ولا شكلك كدا
الدكتور :انتى رهيبه انتى فعلا مفيش منك اتنين عرفتى منين انى دكتور
سومه:ياااه صعبه فعلا ..انى اعرف انك دكتور .. هو دا بالطوا ولا حسنه بيضه طالعه ع الجاكته؟؟
........
بطيخ:حتى الدكتور جننتيه طيب قوليلى ايه سر العظمه دى
سومه:اقولك اصلى وبكل اسف عملت سيرش على مكتبه كتب فى النت
بطيخ:وفيها ايه ماطول عمر المكتبه فيها كتب
سومه: ييييييييييه متقاطعنيش طلع موقع مشابه للمكتبه قومت دوسسسسسسسسست بقلب جامد
بطيخ: وبعدين يا سومه زاد
سومه:لاقيته موقع هاكر نياهاااااااااااا
بطيخ:وطبعا قفلتى بسرعه وجريتى
سومه:لععععععععععع انت تعرف عنى كدا ؟؟ اكيد دعبست فيه حب استطلاع.
بطيخ:ايه الجراءه دى طرزان يا عالم واكيد بوظتيلهم الموقع بقى بخبرتك الممتازه
سومه فى كسفوف: ايوه يا طيختى ماهو انا وانا بحاول اخرج عشان اكفيهم شرى
دخل طرواده وتروجان واللى قلبك يحبه على الجهاز واميلين قدام اتسرقوا منى وملفات وصور وشويه شغل كدا وبس بطيخ:وبس وبس كنتى عاوزه يفجروكى ولا ايه دا انتى محدش عمل عملتك
سومه:ايوه ما عشان كدا انا مفيش منى اتنين :) نياهاهاهااااااا
........................
وبكدا ابقى حطمت الرقم القياسى فى الغباء
ارجو يكون الكل عرف ليه بقول انى مفيش منى اتنين على الفيس بوك:)))
................ الجهاز بصحه جيده والحمد لله والصور بتاعتى كانت بحجاب و تسد النفس فمعتقدش حيعرفوا يستخدموها ولو اتحطيت على اى موقع مشبوه متاكده ان الشباب حيتوبوا او حينتحروا او حيعزفوا عن الزواج والملفات مش بتاعه مخابرات ولا اسرار حربيه ومن الاخر هم اعبط منى كانت معكم المسروقه للمره الالف سومه
سمعينى يا انغام يا اختى اغنيه مبتعلمش:((

الفيلم الجماعى بتاعنا...

http://smahaba.blogspot.com/
دا اخر فيلم جماعى ليا انا وخمسه من صحابى على كارتون ورلد يا ريت تدخلوا تشوفوه بس الغوا الاغنيه فى المونه لانه متركب عليه صوت


ملحوظه انا اللى عامله صوت تاجر القش والاغنيه وتلحينها وتاليفها وغنائها دى انا

يا رب ينول اعجابكم

اضراب عن حبك يا مصر.!

كل يوم
بتعلق بيكى اكتر واكتر واعشق ترابك الاخضر
ونفسى اطاطى ابوس الارض لكن وبكل اسف .. القلب منك حزين ومتكدر
.......
على نيلك عشاق وعشاق فيهم الصادق وفيهم الكذاب
لكن الحقيقه الوحيدة ان مفيش قلب حبك غير ندم وتاب
.......
شطوط بحرك ومراسيكى وليالى أسى تذكرنى بيكى
لكن اغيب عنك فى يوم ارجع عطشان لمآسيكى
.......
يمكن ترابك يمكن سرابك يمكن دمعه حزن ليكى
يمكن شمسك ويمكن قمرك يمكن زبالتك ومجاريكى
يمكن زحامك يمكن كلامك يمكن ازعاج اهاليكى
يمكن شهامتك يمكن كرامتك يمكن خنوعك يمكن خضوعك
ونفسى سؤالى عنك اللى يغنيكى
ويكفيكى ويرضيكى ويحييكى ..
مع الاسف احلامى انهارت كلها فيكى..
....
كل يوم بمشى فى شوارعك بشوفك شكل تانى
ساعات بتضحكى وساعات بتبكى وساعات بتحكى وساعات بتبقى مش عاجبانى
ساعات مريضه وساعات عنيده وساعات تكونى مغلبانى
...........
ساعات بحسك طينه ريحتها مكمكمه
وساعات بشوفك فى مسك متهندمه
.....

اضراب ورا اضراب ولا حد سامعلنا
دى لو كلاب بتهوهو كانوا خافوا مننا
وسته ابريل شاهد ع كل كل حمار انانى
وبعد دا كله يا بلدى ولسه انتى اللى شاغلانى
.......
بموت فيكى وفى مأسيكى .. ونيلك هو شريانى
بحبك صامده واحبك هامده واحبك وانتى مغلبانى
يا تعبانى يا مجوعانى يا مضيعه منى كل الوانى
وبفرشتى حرسم زبالتك وارسم لمامتك وارسم زرعتك وبستانك
وحغنى ليكى الف اغنيه حكتبلك فيها يا مجنانى
ومش ح اسكت ومش ح ايأس ومش حتبكى علشانى
ومش حدمن ومش حسرق وحشتغل وارجع مجدنا تانى
.......
تعيشى غاليه وتعيشى عاليه وتعيشى منوره اكوانى
تعيشى رغم كل جبار انانى
وتعيشى رغم كل طامع عدوانى
...
تعيشى وطنى وتعيشى ديما انتى عنوانى
...............................................................
مواطنه مصريه مجنونه عشقت البلاد رغم كل فساد وحلمت يوما ان تعيد الامجاد هيهات هيهات..!!

سومه وازمه الجزم فى قرعيا الكبرى..!

اذا كنت لم تقرا تخاريفى يبقى انظر الملخص جانب الصفحه لتعرف ما هى تخاريف

اعلنت الانباء عن اختفاء العديد من الطرح والجزم المصريه بصوره مفاجئه مما ادى الى ارتفاع سعرها للضعف...
المزيع:عم حزنبل انت بياع جزم قديم
عم حزنبل:انا الجيل التامن عشر فى الحرفه دى حضرتك
المزيع: يا ترى بترجح الاختفاء دا سببه ايه
عم حزنبل:والله من كم شهر حد اتفق معايا على ستين الف جزمه بنعل خلصتهم وسلمتهمله ومعرفش راح بيهم فين وعرفت بعد كدا انه لم جزم السوق كلها ومشى اختفى
....................
كما اعلن مصدر مسؤل عن اختفاء صوابع وايادى الجثث من مشرحه زيكو والمقابر وغيرها
المزيع:انت مدير المشرحه؟؟
المسؤل:ايوه يا فندم
المزيع:ظاهره الاختفاء دى جديده؟
المسؤل :يا فندم زمان كانت النسبه اقل وكان بياخدوا الجماجم والاعضاء النافعه
لكن الاختفاء دلوقتى زاد وبيتاخد الصوابع والايدين
المزيع:وبتتوقع ايه السبب.؟؟
المسؤل :علمى علمك والله
المزيع:هكذا وقد اقر المسؤل انه علمى علمه ...ونتوجه بدعوى للتحقيق فى هذا الشان
وبهذا تنضم ازمه الجزمه والطرحه والايد والصوابع الى ازمه رغيف الخبز واللحمه ...
كيكو حماده من قناه ولعها ولعها للاخبار
ولعها ولعها
الراى والرى اللى ملوش دعوه باللاولانى
......................
سومه: حاجه غريبه قوى وازاى معرفوش الحاجات دى بتختفى فين
ايه الصوت دا يا سوسن
سوسن:مفيش يا اختى دا اعضاء مجلس البتنجان بيناقشوا قضيه الجزم والطرح...
سومه:ييييييييه ودا وقته طيب ما ديما مستر اوك بيسكتهم ويهديهم
سوسن :لالا المره دى محدش قادر عليهم
...............
وبعد مشاجرات كثيره من اعضاء البتنجان ....
مستر اوك:الموافقون على القرار 100000101 يتفضل برفع يده
ايتس اوك
الموافقون على قرار 129992992 يتفضل برفع يده
ايتس اوكى
..............
سومه:سبحانك يا رب بعد كل الشلاليط دى ويقولك ايتس اوك نفسى اشوف مين بيرفع ايده
سوسن:يعنى يا بنتى حيخبصوا علينا
سومه :لالالالالالالا لازم احقق فى الموضوع دا
سوسن:حتعملى ايه يعنى
سومه:حرشح نفسى فى مجلس البتنجان
.................
بعد ست شهور سومه داخله بوابه المجلس
..............
صوابع للبيع ...صوابع للبيع ...ايدين للبيع....ايدين للبيع....جزم للبيع....طرح للبيع ...
سومه :ولا يا بطيخ
بطيخ:نعم يا حياتى
سومه:اهىء اهىء بطييييييييييييييخ مش هنا يا طيختى...... وبعدين انا معايه دلوقتى نتانه ..
بطيخ:احم احم سومه اسمها حصانه
سومه:اسمها اللى اسمها بقى ايه اللى بيتباع دا تكونش دى الحاجات المختفيه من البلد؟؟

بطيخ:اصلى سمعت ان اعضاء مجلس البتنجان المحترمين عشان متجيش فيهم دعوات الناس المظلومه بيشتروا صوابع وايادى
وكمان حكومه زعبوله القديمه كانت بتشترى الصوابع عشان ترفها وتكسب اصوات
سومه:اااااااااااااه وعشان كدا فى اختفاء كبير للصوابع والايدين ....طيب والجزم

بطيخ:بتوع حزن العفاريت بيشيلوها عشان لو حد محترم نطق ياخد بيها...
سومه:وازاى بيقبلوا المحترمين على نفسهم
بطيخ: وبعدين يا سومه متدقيش كله فى الاخر عشان مصلحه قرعيا الكبرى بلدنا
سومه:طيب والطرح دا اغلبيه البتنجان رجاله
بطيخ:معقوله يا سومه مش عارفه !! لا بعدين بقى ابقى اقولك
سومه:اممممم طيب والمستقل زى حالاتى
بطيخ:عادتا يا بيناموا يا بيسكتوا ....يا بينضموا لاى فئه........يا بياخدوا بالجزم :)
................
بطيخ دا انا كنت فاكره الستات مش واخدين حقهم دا كتير قوى هنا!!
..............
ياله ياد حط التعميره حنبدا الرغى..
سومه:انا اعترض
مستر اوك:ايه يا بنتى انتى متسستمه
سومه:ماهو انا داخله عشان اعترض
مستر اوك:وتعترضى على ايه ان شاء الله
سومه:حعترض على ان محدش بيعترض
مستر اوك:عندك دليل؟؟
سومه:دليل ايه يا عم الحج ماهو على عينك يا تاجر ولا انت شيش بيش
عضو عفاريتى:يا سياده رئيس مجلس البتنجان دى عميله ...دى دسيسه ..
سومه:صلى ع النبى بسيسه ايه انت فى مصمط
مستر اوك:اسلوبك يا سومه
سومه:ولما قال عميله معترضتش ليه وحياتى الحج ابويا فى اللى لسه
مبطلش ياكل فول على الرغم من انه غلى لاكون شاكياكم لسونه اه امال ايه
مستر اوك:الغى الكلام دا من المضبطه
خخخخخخخخخخخخخخخ...... شوشوششووو خخخخخخخخخخخخخ
انت يا بنى ادم الله يخربيتك وبيت سنينك فضحتنا انت نايم ولا بتكتب
الموظف:اهو اهو موافقووووووووووووووووووووووووون
خخخخخخخخخخخخخخخخ فوووووووووووووو تشششششششششش
.........................
سومه:تفتكر يا بطيخ كان صح انى ادخل البتنجان برجلى
بطيخ:طبعا دا بيت البيبولز
سومه:بيت البيبولز ولا اداه تنفيذ سونه لقراراته ورغباته على رقاب البيبولز
بطيخ:لالالا انتى حتتكلمى فى السياسه انا معرفكيش
سومه:سيبك انت عارف احسن حاجه ايه فى الموضوع دا كله
بطيخ :ايه يا ستى
سومه:انى عرفت ليه بيبيعوا طرح..:)
وبالمره جيبت لامى طرحتين وجوز جزم بدل الغلاء دا...
:)
.................
يا ترى اللى قرأ القصه وتابع عرف ليه بيبيعوا طرح مدعمه فى البتنجان.!!

شنب حريمى ..!!

جلست الاخت مشخلله فى حاله انشكاح تنظر الى زيها الجديد ...
الذى اتت به من الموسكى وتفكر وتقول لنفسها...
مشخلله:يا خراشى على جمالك يا بت يا مشخلله هم الرجاله اتعمشوا بس ازاى استغل الطقم الجديد
ابو خمشه واربعين جنيه وبعدين تسريحه شعرى الجنان دى لازم الناس تشوفها
اخخخخخخخ دا انا كمان عندى شنب لازم استعرضه برضك....
وبدل ما اشيله اخليه موضه ...
كول الستات تمشى بشنبات....
امال وكمان ممكن نخليهم يربوا لحيه....
وبالمره اصلى فاضيه الشهرين دول معنديش قضايا غريبه فى المكتب
بس فكره مفتكسه اعملى انا قضيه بدل ما اقعد فاضيه...
الوو ايوه يا معتز
السويتش: ايوه يا فندم برنامج 96 دقيقه معاكى
مشخلله:انا عندى افتكاسه جديده اقصد مشروع قانون جديد
معتز: ومعانا الراقصه عفوا المحاميه المدافعه عن حموم المراه مشخلله
مشخلله:بص يا معتز يا اخويا عليا وعللى اعدائى ماهو انا مبقاش معنسه وغير قاعد فى بيته متهنى يا اخويا ومتجوز اتنين وتلاته وانا واللى زيى نروح فين
معتز:جهنم وبئس المصير ان شاء الله
مشخلله :بتقول حاجه؟؟
معتز :لا يا فندم بقولك تشرفينا حضرتك وتتكلمى باستفاضه احسن
مشخلله:لوووووووووووووووولى وحتشهر واقرف الرجاله .............
انتهى الحوار
....................
كل يا اخويا ما افتح قناة الاقيلك واحده عوجر قاعده تصوت حرييييييييييييه المراه حريييييييييييه المراه
مالها المراه ماهى ميت فل واربعتاشر اهى عاوزه حريه بعد كدا تروح بيها فين عاوزين يركبوا
صواريخ ويطيروا ع المريخ .....
..........................
تتجوز براحتها تتطلق براحتها تتعلم براحتها وتلبس براحتها وبتقلع برضو براحتها ....
والنصيبه بقى تقعد مشخلله هانم كعب الغزال عامله نفسها ميدو عضلات...
وتسمعها وهى بتتكلم تحشر مناخيرها فى الدين وهى مبتفهمش فيه شعره وتتكلم فى السياسه وهى جهله اصلا..
وتتكلم عن كام مشكله
ام رمزى بتاعه الطعميه وليه وليه رمزى يفوت ميقولهاش صباخ الخير يا اما وكأن كلنا ام رمزى ...!!؟
......................
وهى مشافتش مشاكل فى حياتها اصلا ومتفرغه لحل مشكله ام رمزى
وراكبه عربيه اخر موديل وقاعده على مكتب وتكييف وورد ونفاق ومعنسه وفاضيه وشاريه طقم هدوم جديد من الموسكى..
فتقولك اما اشوف شغلانه اعملها ...
يا ترى يا هل ترى ازاى استغل الطقم دا ازاى اخلى الناس تشوف تسريحه شعرى الجديده....
ازاى اوريهم ان كعب جزمتى اتنين سنتى ونص ودا شوذ جديد منزلش السوق جايباه من موزنبيق ...
تعملى ايه يا مشخلله تعملى ايه يا مشخلله اه ...
بس اقرف الرجاله شويه اعمل بروباجندا واطلع فى التليفزيون ....
وافرج الستات على نيولوك الشنب الجديد بتاعى....
طيب اطلع اقول ايه اه ...امنع جواز الرجاله من اكتر من واحده....
وعشان افتى بمزاجى اروح اقرالى كم كتاب من اللى بيعارضوا الموضوع دا....
والنصيبه الكبيره بقى اما الشيخ فرحات المنجى يتصل وهى تكدبه وتقوله من حق الجميع الفتوى
مش انت لوحدك بس...
واشتمه وابجح عليه واقوله الافتاء من حق اى انسان.... حتى ان كان جاهل زيى...
المشكله بقى ان يا ريتهم عندهم ثقافه عن البتنجان....
ومسالوش نفسهم سؤال
هل نسبه التعدد اكتر ولا نسبه العنوسه...؟؟
يعنى اما الاقى مجتمع جعان وفقير اناقش التعدد
وازاى اطلع قانون يخرب بيت المراه وينشر الجواز العرفى والطلاق...
ولا الافضل انى اناقش ازاى احل مشكله الشباب اللى مش لاقى شغل ازاى ااحل مشكله البنت العانس...
ازاى اجوز الولد مره واحده بس من نفسه...
ازاى ادى للمراه ثقافه عن دينها وعن السياسه وعن حقوقها اللى ربنا شرعهالها...
فى عز الفقر والجهل ....
ازاى اديها توعيه انها متخلفش كتير وهى ممعهاش...
ازاى اخليها تحافظ على اسرتها...
ازاى ممكن تجد عمل شريف بدلا من الشحاته اللى انتشرت فى كل مكان..!!
بس ازاى مشخلله لو عملت حاجه صح مش حتطرقع لازم تعمل حاجه تخليها تطرقع...
اقوم املى دماغ المراه بكلام ملوش لازمه واقنعها انها لازم تبقى اقوى من جاكى شان...وتعمل جيمس بومب....
لا والمصيبه اما تيجى سيره المنتقبات ولا اللى بحجاب قصادها تقعد تشتم وتسب وتقولك تخلف ....
طيب يا متمدنه هانم يا متعلمه متعرفيش ان
الحريه انك زى ما بتطالبى انك تقلعى فى ناس من حقها تطالب انها تلبس.!!؟؟
ولا هى حريه المراه فى وجهه نظر الفئات دى يعنى اننا نجر المراه للانحلال...!!؟
بينما لو جريناها للاعتدال تبقى دقه قديمه وراسها شبه الطمطمايه وتبقى ماشيه بثقافه تيته..!!؟؟
والمصيبه انهم بيتكلموا عن الغرب كانهم واخدين حريتهم بالكامل ...
بينما المراه فى الغرب مستحله للجميع ...
والعمل عليها فرض احيانا ...
واعلى نسبه عنف ضد النساء فى امريكا....
بلد الحريات ............
رجاء يا مطالبات بحقوق المراه
المراه بصراحه جابت جاز من كتر كلامكم عنها .....
وقرفت منكم على الاخر
سيبوا المراه فى حالها سيبوها تربى عيالها سيبوها تساعد جوزها بالطريقه اللى يختاروها سوا ويتفقوا عليها....

وبلاش بالله عليكم فتاويكم الممتعه الناتجه عن جهلكم بظروف المجتمع المقندله اللى بيمر بيها....
اقولكم روحوا احلقوا شنباتكم احسن يمكن تحسوا يعنى ايه ست ويعنى ايه راجل.....
ويستحسن لو مش عاجبكم انكم ستات اعملوا عمليات تحول وخلصونا..
ومنك لله يا سعاد لما قولتى البنت زى الوولد ماهيش كماله عدد...................
تحدثكم سومه من كوافير موزنبيق
بعد ان قرر 3000 ست ان تركب شنب عيره لعمل نيولوك يشبه نيولوك مشخلله هانم...

خمسه سياحه مع سومه..!

مبدئيا...

فيلم جديد قصير على مدونه كارتون ورلد
http://smahaba.blogspot.com/
اتمنى يعجبكم...

دخلت اى مكان لاقيت ناس قاعدين ع الارض زى الشحاتين وفى ايدهم لو خشب وورق والوان ...وشكلهم يصعب ع الكافر اعرف انهم طلبه فنون جميله الغلابا وعندهم محاضره خارجى او مناظر.... على اد ما المحاضرات دى بتبقى متعبه وخطر ومؤرفه وبنشعر فيها اننا متشردين...بس خليتنا نعرف قيمه بلدنا ونشوف مناظر مبنشوفهاش فى اى مكان...لاننا مروحناش اصلا اى مكان....:)) رسمنا فى السلطان حسن وشوراع القلعه وبيت السحيمى وذينب خاتون والازهر وقصر المنيسترلى وقصر طاز وحديقه الازهر والمتحف المصرى والمتحف الزراعى ...وعما قريب ان شاء الله حنرسم فى قصر البارون ان شاء الله وغيره وغيره من اماكن القاهره الساحره... واحنا كنا بنرسم فى بيت اسمه بيت الكريتليه ومسجد احمد بن طولون...فصورت المكان هناك وقولت احطلكم الصور... المكان هناك هايل جداا بغض النظر عن سلوكيات الشارع المصرى وبغض النظر عن التفتيش اللى بنتفتشه واحنا داخلين الاماكن دى..بسبب اخوانا بتوع المفرقعات :))...بس برضو بنستمتع...

احمد بن طولون من الداخل
مئذنه احمد بن طولون التى لا مثيل لها هنا فى مصر
نجف وتحف بيت الكريتليه او متحف اندرسون
غرفه الحريم فى بيت الكريتليه

بيت الكريتليه من الخارج مشهد جانبى
تمثال صغير على باب غرفه مكتب اندرسون
مكتوب عليه عباره رومانسيه
نجف الحائط من المعدن
الغرفه التى تم تصوير فيلم واسلاماه
مشهد خارجى للمسجد
طرقه تؤدى الى غرفه الزينه
نجفه حائط غرفه اندرسون
غرفه العرس..وهذه الشرفه تطل من ممر سرى لترى العروس عريسها دون ان يلاحظ
مشهد خارجى لبيت الكريتليه(متحف اندرسون)
رواق مسجد احمد بن طولون

مكان خارجى من بيت الكريتليه قاعه صيفيه
القاعه الارضيه
هذه الغرفه تقع بجانب مكتبه اندرسون
احدى غرف النوم فى المنزل
القاعه الايرانيه
غرفه نوم اندرسون
القاعه الصينيه
المتحف الفرعونى ببيت الكريتليه او ما يسمى بمتحف اندرسون حاليا
غرفه نوم اندرسون
غرفه نوم مسز اندرسون

........................
هناك العديد من المشاهد الجميله فى المنزل تلك الصور لا تصف ربع ما يتواجد هناك من اثار ناهينا عن القاعات الصيفيه والاثار الرائعه هناك وبئر المياه الذى اذا نظرت به سترى وجهك فى القاع...اجمل مشهد واكثر مشهد رعب على الاطلاق ممكن ان تراه..!!؟
كانت معكم مرشد اول سياحى سومه:)))

انا بقيت شخصيه لا تطاق..!!

مبدئيا كدا دى تورته الغلابه..!!؟؟:))
يعنى تورته المصرييين كلهم...يعنى التورته الشعبيه...
وبما انى مقدرش احط تورته فى الظروف الهايله دى اللى بيعانى منها المسلمين والعرب ومليش نفس احتفل باى عيد ميلاد ولا اى عيد وفاه..ومتستغربوش من عيد وفاه ...الظالم يوم موته بيبقى عيد احيانا...
عقبالى ان شاء الله يا رب وارتاح..!!
ولان حياتنا كلها ....
اعياد فى اعياد ...
لدرجه ان الواحد نفسه ماعت من الاعياد...
:))
والدنيا حلوه على راى الست نانسى عجرم
فعيد ميلاد مدونتى فات من زمان انا عارفه بس انا قولت احتفل بيوم وضع اول تعليق على مدونتى فى
بوست الضمير العربى نجاح حقيقى ام وكسه
وكان من مفقوعه حبيبه قلبى اول من علق عندى فى المدونه
بعد كدا توالت البوستات والتعليقات
وفاتت سنه اهو وانا لسه مجنونه متعالجتش بل حالتى بتسوء يوم بعد يوم وللاسف مفيش علاج لجنونى بنفع معايا...
مفيش علاج ومبحرمش اتجنن...
واكتشفت انى بقيت شخصيه لا اطاق وكلامى بقى ملخبط وبقيت ازعل ناس كتير منى وساعات اجى اصالح الناس الاقى لسانى فط وجه قايل كلام يزعلهم اكتر....ومبقيتش عارفه اجمع افكارى....
وفى السنه اللى فاتت بقيت كثيره الشكوى وكثيره النقض وكثيره الكابه...وكثيره السخريه...
وكثيره الالحاح ....السنه دى فاتت وخدت حاجات جميله قوى معاها وسابت هموم كتيره ...وسابت كل شىء وحش ...
لدرجه انى ساعات بحس ان فى لعنه مرميه على لسانى....زى لعنه اسماعيل يس والفانوس السحرى...
ممكن اعتزل الكلام او بفكر اعتزل الناس....لا اضايقهم ولا يضايقونى...
من الاخر انا بقيت شخصيه لا تطاق....
وبعتذر لاى حد زعلته منى السنه اللى فاتت دى...
اوعدكم بتغير كبير فيا....بس صبركم عليا...
ادعولى بالهدايه...وادعولى انى اخرج من المود دا ....
تحياتى للجميع مجنونه اللى ضربت من وسع

الشارع بتاع بابى..!!

مبدئيا اسفه على كميه القرف اللى حتتقرفوه فى البوست دا..
......................
طبعا احنا بنتعامل من يومنا عملا باغنيه سى عبد الحليم الشارع لنا احنا لوحدنا...
ومنك لله يا عبحليم من ساعة ما غنى الاغنيه دى واحنا فى النازل...
بقي كل واحد فينا يممشى عنتر زمانه فى الشارع يمين فى شمال....ملكيه عامه بقى...
وتاثرنا قوى بنكته بلدياتنا اللى شاف الهرم افتكره حته جبنه كبيره...
فبقينا ساعات يستهيالنا والله اعلم ان الشارع دا صندوق زباله كبيييييييييييير...
وساعات يستهيالنا ان الشارع دا دوره مياه عامه...
وان محدش بيشوفك وانت فيه فبتتصرف فيه براحتك جنب اى حيطه...
باعتبار ان الناس معندهاش نظر...
والانقح الناس اللى اعتبرت الشارع بديل المناديل ..!!؟؟
تخيل تبقى ماشى تلاقى تفه لزقت فى قفاك...
او تفه جات فى وشك....
وممكن تكون بتتاوب بالصدفه فتدخل التفه مكان تانى خالص...
يعععععععععععععععععععع يا سومه ايه القرف دا....
لا دا مش قرف دا فعلا اللى بيحصل....
.....................
بقيت امشى فى الشارع الاقى الصبح الاسفلت بقع بقع بقع....
وتلاقى راجل طويل عريض وشكله محترم...
وفجأه اتفووووووووووووو....
اقول معلش يا بنتى ظروف...يمكن تعبان...
والتف فى الشارع وليس البصق لان البصق دا لفظ رقيق عن اللى بيحصل فى الشارع...
لان اللى بيحصل هو اشبه بالتقيؤ وليس البصق حقيقتا...
...............
الظاهره دى بقى شىء اتفق عليه الشعب المصرى كله من اول الوزير ولحد الغفير....
تلاقى مثلا عربيه جيب شيروكى ولا جاجوار من ام ملايين وفجأه...اتفوووووووووو
وكان الشارع دا الحوض بتاع بيتنا...
وطبعا الموضوع لما علق معايا فى راسى وبدات اتقرف واحاول اتجنب نقاط التفافات
ع الارض بقيت امشى زى الاراجوز فى الشارع...
....................
تخيلوا كدا معايا احنا اكتر من 80 مليون....يعنى اما نصحى الصبح يروح الشغل او المدارس والجامعات
مثلا 70 مليون بلاش 70 خليها 50 وكل واحد يحط بصمته...
فى الشارع بتاعهم ... اقصد يحط تفته..
اعتقادا منه بان الشمس حتقوم بتغطيه ما فعل....
كدا ممكن ييجى يوم ونغرق فى التفافه...
دا حتى القطه لم تيجى تتصرف بتحفر حفره...
يعنى تبقى تفافه فى زباله فى حاجات تانيه ....
معنى كدا اننا لازم نطالب الحكومه انها تغير مصطلح شارع وتقلبه خرابه..
يعنى شارع جامعه الدول العربيه يبقى خرابه الدول العربيه...
وهكذا...
مع متابعتى لموضوع التف فى الشوارع استطعت انى احصر المشكله فين بالظبط..وجايه ليكم بحل اكيد...
قام السيد عبدوكلينيكس
فى سنه معرفش كم كدا 0000
باختراع اختراع جميل اسمه المناديل ...
وهو اختراع متعدد الاشكال...
فيه منه مناديل ورق ..وفى مناديل قماش...
المناديل الورق فى ناعم وخشن وفى باكتات وفى بكر...
ويتم تبادل نوعين فلورا وفاين...ومينى فاين...
وبيتباع منها بالجمله فى الوكاله والعتبه والموسكى ....
وفى منها ابيض وفى منها ملون...
وطالع منها الحديث اسمه وايبس ...والوايبس هى المناديل المعطره...
وبتتباع فى المحل بتاع 2.5
وبهذا بنطالب بمنديل لكل مواطن...
.......................
اما عن استخدام الشوارع كدوره مياه عامه للرجال والاطفال
فحتقدم للشركه المصريه للبلاستيك دا اذا كانت لسه موجوده ومتخصخصتش زى الباقى
بتوفير عدد 80 مليون قصريه محموله ....لفك زنقه المواطنين...
...........................
سيتم النظر فى قضيه الزباله فى بوست اخر ان شاء الله
.....................
كانت معكم سومه تحدثكم من الشارع اللى جابهولى بابى :s

حوار مع صهيونى..!!

قد يتعجب البعض انه ليس من عاداتى ان انزل مدونه للدفاع عن احد وربما سؤلت من البعض ...
وايه يفيدنا والت ديزنى ..؟؟
دخلت كليه الفنون الجميله ولم اكن اقصد منها كسب اى اموال وانما دخلتها بحلم قديم راودنى فى ان اصنع شركه كارتون اسلاميه بدلا من افكار اليهود التى تدس لاطفالنا حلمت بان تتخطى شركتى شركه ديزنى
وكنت اعرف ان هذا الحلم صعب وبعييييييييييييد ....
ولا يمكن ان يتحقق واحيانا كنت ابكى كيف يكون هذا مجالى ويتفوق على يهودى .؟؟
عندما عرفت قصه حياه والت ديزنى وانه ليس بيهودى وانه غير داعم لاسرائيل كما كنت اعرف ..
جاءتنى تلك المعلومه فى وقت كنت فى اشد الاحتياج اليها....
وستعرفون السبب فى نهايه البوست!!
اليكم حوار مع صهيونى..
حدث بينى وبين احد يوزر موقعى القديم ...باسم جينيرال اسرائيلى...
.....................
وجدت شخص بيرد على باللغه العربيه الفصحى يتحدثها افضل منى بمراحل وهى لغتى الام ...
.................................

الصهيونى:اى لغه تتحدثين
انا:العربيه
الصهيونى:لا يبدو لى ذلك
انا: go to hell مادمت لا تفهم حديثى
الصهيونى:من اى بلد انت تبدو لى من مصر
انا:نعم
الصهيونى:بيننا وبينكم سلام
انا:اذهب بسلامك الى الجحيم ايها القاتل
ليس بيننا سلام انما هى وثيقه موقعه بين الحكومات
لقد نقدتم السلام بفعلتكم مع غزه
الصهيونى:مصالحكم مشتركه معنا لا تستطيعون ان تنقدوا معاهدتكم
انا:ربما مصلحه الحكومه معكم لكن مصلحتنا نحن ضد مصلحتكم
الصهيونى:نحن لا نتنازل عن ارضنا
انا:ارضكم واى ارض تتحدث عنها انتم محكوم عليكم بالتشرد الى يوم القيامه انتم بلا ارض
الصهيونى:ارضنا من النيل حتى الفرات
انا:اذا حاولوا دخول مصر ونحن سندفنكم فيها
الصهيونى:لا تستطيعون نحن لا نقهر
استفذتنى كلماته فى هذا الوقت
انا:نعم انتم حقا لا تقهرون فلم نقهركم فى 1973 ولم يقهركم حزب الله فى حرب لبنان ولم تقهركم حماس وما تفعله
اتريدنى ان اذكرك بهيتلر وما فعله بكم!!؟؟ حقا انتم تستحقون ما حدث لكم اتمنى لو كان قضى عليكم تماما
الصهيونى:نعم اعرف انكم اعداء الساميه وتحبون ان توهموا انفسكم انكم فائزون ...
تتعلقون بالزيف والوهم..لم نخسر ايه معركه...
انا:عن اى ساميه تتحدث انتم ادنى اهل الارض
عليكم غضب الله وعليكم غضب الرسل يا قاتلوا المسيح وقاتلوا الرسل
ثم ان خساره اى معركه ومكسبها يتحدد من هدفها هدفكم فى حرب لبنان القضاء على حزب الله وقد لقنكم درسا لن تنسوه ابداا...وهدفكم فى حرب غزه السابقه القضاء على حماس لكنكم لم تستطيعوا...
ماذا تعمل انت؟؟
الصهيونى:جندى بالجيش الاسرائيل
انا:اى انك تعمل قاتل وتكتسبون كره العالم لكم يوما بعد الاخر...
الصهيونى:نحن ندافع عن اراضينا والعالم الذى تتحدثين معه له مصالح معنا وينسى بعد زمان ما حدث
ولا يابى لحياه حشرات
انا: حشرات!! الحشره هى من تقف على الجثث والاشلاء غير مهتمه ...بل انت تقتل الشعب الاعزل ممن تحمى اراضيكم من الاطفال والنساء والشيوخ؟؟
وما نهايه كل ما تفعل تقضى حياتك بالقتل حتى تنتهى على كرسى متحرك مثل شارون...؟؟
وربما لن يسمع عنك اى احد
الصهيونى:هههههههه وماذا كانت نهايه جمال عبد الناصر؟؟؟الم يغتال..؟؟
انا:لا لم يغتال وحتى لو اغتال فقد مات شهيدا ...وكان صاحب قضيه ومبدا وحرر مصر من الاحتلال الانجليزى ...صانع الثوره..
الصهيونى:وانور السادات؟؟
انا:تقصد الرئيس الشهيد انور السادات؟؟ يا هذا موتانا فى الجنه موتاكم فى النار
الصهيونى:هذا ما تعتقدون...
انا:وهذا ما تعرفه فى قراره نفسك لكنك ترفض الاعتراف به...طمس الله على قلوبكم وانزل عليها غشاوه ...
انتم لا تفقهون ولا ترون...
انتم لا شىء من دون مساعده امريكا
الصهيونى:بل امريكا تنفذ ما نريد
انتم جهله ..ضعفاء..اغبياء متفرقون
فى هذا الوقت شعرت بانه على حق ونحن بالفعل جهلاء وضعفاء واغبياء
لكنى كنت من الصعب ان انكسر فى حوارى معه او اوضح له هذا

انا:بل انتم الجهله....انتم حتى لا تعرفون دينكم ...وانتم جبناء ....
وانتم الضعفاء ايديكم مرتعشه اذا كنتم حقا رجالا واقوياء حاربوا الفلسطينيين رجلا لرجل
لكنكم تحاربونهم طائره مقابل حجاره ...ودبابه مقابل دموع امرأه
الصهيونى:هههههه انتم متفرقون ضعفاء نحن مجتمعون
انا:انتم جمعاء امامنا شتات فى انفسكم تكرهون بعضكم البعض
الصهيونى :بل نحب بعضنا البعض...تبدين لى فتاه النساء عندكم يعاملون كالعبيد
انا:انت مخطىء بل من عندكم هم العبيد ...
على الاقل نسائنا لرجل واحد وهو حل لنا لكن نسائكم لاى رجل ...
اليوم معك غدا مع غيرك
اعلى نسبه من الفساد الاخلاقى للنساء عندكم مجندات الجيش تعمل عاهرات فى اسرائيل..
وامريكا التى تدعمكم بها اعلى نسبه من العنف النسائى على مستوى العالم
الصهيونى:انتم تتكلمون كثيرا لا تعرفون سوى الكلام
انا:غدا ستشهد افعالنا..
الصهيونى:بل غدا تاتين للعمل عندنا..!!
انا :فلتنتظرنى ايها الوغد سوف تعرف ماذا انا فاعله بكم
لى عندكم ثأر ...لقد قتلتم جدى...ولو عرفته لعرفت من انا
الصهيونى:ومن جدك هذا
انا:رجل الظل
الصهيونى:ماذا؟؟ مصطفى حافظ
انا:بل الشهيد مصطفى حافظ
وصمت لفتره طويله
انا:اسمعنى يا هذا لم يكن لى اى هدف بتلك الحياه وكنت احلم فقط لكن من اليوم سوف افعل سوف تعلم من انا وانتظرنى انى اتيه اتيه ذات يوم ولى معك وقفه امام الله تعالى ستعلم انكم على باطل ستعلم الحق حينها
الصهيونى:حسنا ساكون بانتظارك :)) ولتكن نهايتك مثل ما حدث لجدك...هذا اذا اتيتى..!!
انا:نعم انتظرنى انى اتيه ان شاء الله سنعلمكم من هم المصريون ايها الجبناء كما علمناكم سابقا
الصهيونى :ان شاء
.......................................
واختفى من بعدها ولم يظهر مره اخرى
قد اختصرت فى الحوار حتى لا اطيل عليكم...وشعرت بان كميه الاستفذاذ التى تعرضت لها لم يكن من السهل ان اذكرها جميعها وهناك اسئله لجم لسانى حينما سالها الى حيث انه كان يسرد وقائع بالفعل....
وانه كان بها على حق فكنت اغير الموضوع واقلب الدفه عليه...
.انى اسالكم الى متى سيكون هو فعلا على حق فى اننا ضعفاء..؟؟
حاورته وكنت اعرف انه على حق فى كثيرا مما قال وظللت افكر عديدا كيف اذهب ...وكيف اخذ بثارى وثار المسلمين...وكيف نرتفع ونحن فى انحدار ومن انحدار لانحدار وكيف نجتمع ونحن شتات............
نهرب نحن من بلادنا من فقرنا بينما يطمحون هم بالمجىء الى هنا.....كبف يرزقنا الله بمثل هذه النعمه(مصر) ونحن نجهل قيمتها...؟؟
كيف نكرهها ولا نقدرها .....!!
وفكرت اذا ما كانوا يريدون اراضينا وهى حلم بالنسبه لهم اذا اراضينا فعلا بها خيرا لا نراه..!!
بها خير نجهله....بها شىء ينبغى ان نقدره ونحافظ عليه....

تحدثت لاكثر من احد اناشده البدء بالتقدم ...لكنى اجد امامى جدران من البشر لا تستجيب....
كانهم اصابهم مس من الجنون
................................
قررت ان ابدا حتى ولو لم اكن اعرف نهايه تلك البدايه....
قررت ان اخطط حتى ولو كانت خطتى فاشله....
علاقه ديزنى بخطتى ان هذا الرجل لم يكن فى الاصل فنان ولم يكن يحلم بجمع ما جمعه من ثروه او نفوذ
وهو الفقير الجاهل...حيث انه اعطانى امل فى التقدم...
............................
واول ما قررت ان هؤلاء القوم يفهمون لغتنا جيدا وتفكيرنا ويعرفون احوالنا....وثقافتنا....
قررت دراسه العبريه....واحضرت كتابا صغير....
وتقويه نفسى فى العربيه....
سابدا من حيث امرنى رسول الله صلى الله عليه وسلم بان من عرف لغه قوم امن شرهم....
سوف ادبر كيف اءمن شرهم فى البدايه وربما اصل من هذا الى بدايه الخيط للانتقام منهم.....
وربما لا اصل الى شىء فى النهايه ويصبح مصيرى مثل مصير كل النساء زوجه..ام..جده..ثم اموت ولم يسمع عنى احد ولم افى بوعيدى لهذا الجبان حفيد القرده والخنازير....
من يدرى ماذا يخبىء له المستقبل....بين طياته....
اتمنى من الجميع ان يبدا...فيما يبدا لا اعرف
لكن علينا البدايه....واجهل ماهى ...
جعلت بدايتى تعلم العبريه....وان اعد نفسى بالا اترك مصر الا مرغمه....
اشعر بانى اريد ان اسجد على ارضها واقبل ثراها واعانق نيلها.....
اصبحت اسير فى شوارعها ولا اتزمر من زحامها...
اصبحت اسير فيها ولا اتزمر من اكوام القمامه....
قررت الم استطيع فعل شىء فعلى الاقل لن اتركها لهم......!!!؟؟
على الاقل الم استطيع تحرير اراضينا او القضاء عليهم فشعرت انى بتمسكى بارضى انى اهدم احلامهم.........
اسفه للاطاله
تحياتى للجميع سومه_87