الجمعة، 16 أكتوبر، 2009

صوره زفاف...ايامنا الحلوه..6



ضحكات تملأ اركان البيت وزغاريد وفرحه ....
انوار تتلألأ وتلمع فى وسط الظلام ....
وعروس تبكى فيظن الجميع انه بكاء الفرحه
لكن السر الذى لا يعلموه ان الحزن يملأها ....
تنظر الى فستانها الابيض المزركش المطرز متسائلتا...
اليس هذا يوم الفرح والبهجه لكل فتاه ....
تلك هى الدبله التى طالما حلمت بارتدائها ...
وتنظر من خلف باب غرفتها لتجد رجل قابع على اريكه فى منزلهم يرتدى بدله سوداء
الكل ينتظر العروس لعقد القران....
تنظر فى مرآتها مستغيثه راجيه من نفسها ان تفرح او ان تضحك .....
تحاول جاهدتا ان تمسك فمها بيدها تشده فى اتجاهين مختلفين لترسم بسمه على شفتاها....
لكنها تعجز عن تثبيت شفتاها .....
مابك يا قلبى لا تفرح ما بك تابى السعاده.....
حاولت جاهدتا نسيان اى ماض اليم واطلت مره اخرى على عريسها محاولتا ان تقنع نفسها به ...
وتذكرت انها هى التى وافقت عليه من البدايه ...
وتذكرت ان سنها قارب الثلاثين وتذكرت كلمات الناس اللازعه اليها بانها عانس .....
لكم حلمت بان تتزوج عن حب ولكم ارادت ان ترتبط بالشخص الذى تحبه.....
ثم تتذكر مواصفات فتى احلامها وتنظر لعريسها لتجد انه لا يملك ذره منها....
يا الهى كيف ساقتنى قدماى الى هنا....
ثم تصارعها مقولات سيدات الحى(ضل راجل ولا ضل حيطه)
لكن كيف ....
كيف وان استطعت التغلب على حزنى هذا كيف ساسعد هذا الشخص المبتسم ....
هو فعلا فرح بزواجنا ....
تاتيها الاجابه قريبه من اذنها
لا تسالى كيف فقد فات الاوان وانتى الان زوجته .....
لابد وان تخرجى اليهم وليس لهذا الشخص اى ذنب فى الآمك او احلامك التى ماتت ....
.فتمسك بمقبض الباب عازمه ان تفتحه على مصراعيه ....
ثم ترسم ابتسامه وتسلم على عريسها ....
وترمى احلامها تحت قدمها .....
مقررتا ان تنساها وان الحياه ليست ابديه وربما ان هذا الرجل خير لها ممن تمنتهم فى خيالها ولم تحصل عليهم....

فتبتسم قائلتا انه يوم عرسى لن ادع احزانى تفسده وتمسك بيد زوجها وتنظر الى الامام...

فيسطع ضوء فلاش الكاميرا معلنا صوره الزفاف.....

وتغلق البوم صورها على تلك الصوره متذكره الماضى ....
.........................

بالامس هى حزينه لكن باصرارها اليوم هى سعيده ربما لم تكن لتحصل ع السعاده اذا ما تزوجت الشخص الذى تمنته .....
ونظرت لاطفالها مبتهجه فرحه بهم .....
نادمتا على انها لم تفرح يوم زفافها وتركت اوهامها تقتل فرحتها.....
..............................
لكن قصتنا تلك لها نهايتين..
ففى نفس الصوره قد نجد العكس ...
اى اننا ممكن ان نجد انها لم تستطيع اكمال الحياه معه .....
وانها كانت تنظر الى الصوره نادمه على انها لم تصرخ رافضتا هذا الزواج
مطيحه بكل عادات الناس وتقاليدهم الخاطئه ...
متحملتا انها من الممكن ان تحيى وحيده ابد الدهر....
........................
.وقررت اليوم بان الماضى بكل ما فيه هو جزء من ايامنا الحلوه...
لانه يحمل ذكرى جميله لقلوبنا حتى ولو ادى الى جرحنا او سعادتنا ..... ايا كان ....
فهى فى الحالتين قد ارتدت فستان الزفاف ولم تكن لترتديه ابدا لولا تلك الصوره......
ولديها اجمل طفل وطفله على وجه الارض فهى لم تعد وحيدة فى كل الحالات .....
.................................
فلابد وان نتعلم ان ناخذ الجانب المضىء من ماضينا ونترك الجانب الذى سبب لنا الآلآم .......
حتى نستطيع اكمال حاضرنا ومستقبلنا.....
فهل تستطيعوا ....
....................
لا تسالونى من هى ربما اكون هى فى المستقبل
ربما هى واحده اخرى من الماضى
.......
كانت معكم مازون شرعى وسط البلد سومه

‏هناك 29 تعليقًا:

موناليزا يقول...

السعادة الحقيقية تكمن فى ارادتنا بتحقيقها
جميلة هى القصة ابتسمت معها
ولكن ماعلاقة الرقم6 بالعنوان او الموضوع عموما
ارجو التوضيح

سومه...مجنونه فى بلد عاقل يقول...

موناليزا
ايوه فعلا كلامك صحيح
اسعدنى انى القصه عجبتك
ايامنا الحلوه حلقات منفصله ودى الحلقه رقم 6 :) انا ديما بكتب ترقيم كل حلقه جنب العنوان مش محتاجه توضيح

طوبه فضه وطوبه دهب يقول...

نفسى فعلا اسئل نفس السؤال هل بقائها تحلم وتنتظر افضل ام ان مافعلته ووجود من يحبها فى حياتها حتى ولو لم يكن من فى خيالها افضل سؤال بيدور فى بالى كتير ومش بلاقى اجابه مناسبه

سومه...مجنونه فى بلد عاقل يقول...

طوبه فضه وطوبه دهب
والله انا كمان لم اجد اجابه مناسبه ولهذا كتبت القصه بنهايتين وعلى كل فتاه فى هذا الموقع انها تقرر اما انها تنتظر ومتجوزشى خالص لحد ما ييجى نصيبها او انها توافق وتخوض التجربه بس برضاء كامل عاشن متندمشى بعد كدا
وفى مثل زمان كانوا بيقولوه ان لم تعمل
ما تحب فحب ما تعمل اعتقد اننا ممكن نطبقه هنا يعنى لو متجوزتش اللى بتحبه حاول تحب اللى اتجوزته :)
مقدرشى افتيكى باختصار انا كتبت القصه وقولت ربنا يعفينا من هذا الموقف

فشكووول يقول...

ازيك يا بت يا سومه

كيف حالك وحال اخواتك والجميع

اظن ابها كلها الوقت برد خالص عشان هى فوق الجبل واظنك مستمتعه هناك
طبعا ناويه على الحج السنه دى .. طنه بتقول انها كلمتك وانك كلمتيهم ..
انت كويسه؟

سومه...مجنونه فى بلد عاقل يقول...

خاااااااااااااااااااااااالو قولى يا خالو انت واحشنى قوى ىىىىىىى
جدااااااااااااااااااااااااا وخيلانى كلهم واحشنى قوى قوى قوى
طنط هدى هى والهام كلمونى وقالولى حجزوا امتى
يا رب يا خالوا احج السنه دى انا بس منتظره اما نشوف موضوع التطعيمات ربنا يعديه على خير لو كدا حنحج باذن الله
ابها هنا تلللللللللللللج سقيح احنا بنتكتك

wella يقول...

اول مرة ازورك يامجنونة انتى

جنانك حلو اوى


بجد حلو

كنت هسءل نفس سؤال طوبة فضة وطوبة دهب

ديما بسئل وديما يحى فى بالى لو الواحد انحط فى موقف زى كدا او اى موقف تانى
يفضل يستنى اللى بيحلم بية ولا يرضى بللى حصل
مش عارفة

بس المثل اللى قولتية حلو اوى
ان لم تعمل
ما تحب فحب ما تعمل اعتقد اننا ممكن نطبقه هنا يعنى لو متجوزتش اللى بتحبه حاول تحب اللى اتجوزته :)


:))

بجد مبسوكة انى زرت مدونتك

سومه...مجنونه فى بلد عاقل يقول...

ويلا
نورتينى فعلا
اها موضوع محير وللاسف انا كل يوم بشوفه بيحصل وملوش نهايه وملوش حلول

mohamed ghalia يقول...

كثيرون من يعيشون هذه القصة
وكثيرا ما تكرر
دمتِ فى سعادة

سومه...مجنونه فى بلد عاقل يقول...

محمود غالى
فعلا كتير بيعيشوها ولانى خفت منها كتبتها

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

عمرو يقول...

قصهـ جميلهـ سومهـ

وكلاآآآمـ منطقي جداااا فالامر له وجهين

ازيد عليهـ حديث الرسول صلي الله عليهـ وسلمـ " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

خالص تحياتي ،،

Tamer Nabil يقول...

بجد الحل فى اختيارها

واللى يدل القلب علية الانسان بيكون هو اصح

مع خالص تحاتى

خواطر شابة يقول...

تحية طيبة وبعد
اعجبتني كتابتك جدا واعجبتني الطريقة التي انتقلت بها من الماضي للحاضر بسلاسة.
وتنظر الى الامام...
فيسطع ضوء فلاش الكاميرا معلنا صوره الزفاف.....
وتغلق البوم صورها على تلك الصوره متذكره الماضى .............................
وفقك الله

شفـقــة و إحســــان يقول...

حلو اوى اوى القصة يا سومة
كمان انتى عندك حق ياريت الواحد منا ياخد الجانب المضىء من ماضيه لاستكمال مستقبله.... لان الندم والحزن على ما فات للاسف لا يرجعوا الماضى بل بالعكس يظلوا دائما فى تعاسة والم
وعموما عايزة اقولك حاجة مش كل اللى بنتمناه بيتحقق ممكن اللى يتحقق يفوق ويتفوق على ما تمنناه
شفقة

يا مراكبي يقول...

دي قصة من الحياة ما فيش كلام وحصلت فعلا كتير .. وخدي عندك كمان .. وممكن الحوار اللي كان جواها قبل ما تطلع لعريسها بيكون بيدور جوه دماغ العريس لو العروسة كمان مش فتاة أحلامه

موضوع انها تندم او ما تندمش ده نسبي جدا .. كل انسان بيتمنى انه يرتبط بنصه التاني الحقيقي اللي بيتوافق معاه 100% لكن للأسف .. ليس كل ما يتمناه المرء يدركه

وبالتالي .. كل انسان بيقيس نصيبه بطريقة نسبية .. ممكن تلاقيها راضيه بيه وممكن لأ

صيدلانيه طالعه نازله يقول...

كل انسان ليه ذكرياته الخاصه حزينه كانت او سعيده بيكون لها تأثير على حياتنا المستقبليه بالسلب او الايجاب و ده بيعتمد على اراده الانسان و اصراره على خلق السعاده فى احلك الظروف
وياريت كلنا نبقى عندنا القدره على الوقوف بعد الوقوع و النجاح بعد الفشل

صدى الصمت - عاشقة الورد - يقول...

قد تأتى الرياح بما لاتشتهى السفن لكن مع العشرة قد يتولد رابط الرحمة والمودة والألفة بينهما وتستمر الحياة فى هدوء وسعادة
تحياتى

نورينا يقول...

اول مره ازورك عجبتني مدونتك جدا والاغنيه كمان حلوه اوي وحبدأ بالسلام
السلام عليكم

قصه بتحصل كتير واحنا بنقابلها كتير تصويرك ليها راقي جدا ومؤثر جدا لمستي الجانب المضيء ف القصه وهوه ارادتنا احنا اننا نعيش ف سعاده ويا سلام لو نخلق بنفسنا الحب حوالينا وكله برضا الرحمن

تحياتي لقلمك وتصويرك ووصفك للحاله

تسلم ايدك

نورين

سومه...مجنونه فى بلد عاقل يقول...

رابطه
باذن الله اجى اشوف

سومه...مجنونه فى بلد عاقل يقول...

عمرو
مش لما يكون فى حد بييجى مناسب اصلا وبعدين اصعب شىء دلوقتى تدور ع الدين:) لو لاقيت حد بيصلى بوس ايدك وش وضهر

سومه...مجنونه فى بلد عاقل يقول...

تامر نبيل
الحل حتى الان لم يطرح بعد ولا عمره حيطرح بسهوله

سومه...مجنونه فى بلد عاقل يقول...

خواطر
شكرا ليكى نورتينى

سومه...مجنونه فى بلد عاقل يقول...

شفوقتىىىىىىىىىىىىىىى
انتى رجعتى امتى يا حبيبتى والله واحشانى جداااااااااا
سيبك انتى اخبار احسان ايه يا رب ديما كابسه على مراوحه ومطلعه عينه:))

سومه...مجنونه فى بلد عاقل يقول...

يا مراكبى
موضوع ان العريس يفكر دى اكيييييييييد لازم يحصل طيب البنت ليها فارس احلام انما الرجاله يا ولداهم طول النهار شايفين نانسى وهيفا تخيل حيبص لمراته كل يوم ويقول نعمه واللى يكرها يعمى:)))

سومه...مجنونه فى بلد عاقل يقول...

صيدلانيه
ازيك يا ام الاولاد العساسيل
سمعت كلمه قبل كدا جدى قالهالى اللى عاوزي يبقى سعيد بيفرح باقل شىء والنكدى نكدى مش حقولك قالها على مين :)))

سومه...مجنونه فى بلد عاقل يقول...

صدى الصمت
نامل هذا لكل صاحبه تجربه مثل هذه

سومه...مجنونه فى بلد عاقل يقول...

نورينا
شكرا ليكى نورتينى :) ولا تحرمينى من تعليقاتك الجمبله

شهووووده يقول...

اسلوبك مؤثر جدا...تحياتي

بلادى