هبله وبكلم نفسى ..؟؟

من سنتين تقريبا من يوم13 يونيو2008 تحديدا توقعت فى ويلك يا ابا بطيخ يا ابن قرعيا ان البلد حتنباع والنيل حينباع لاسرائيل وان وزه باشا حيبقى الكل فى الكل

http://magnonaa.blogspot.com/2008/06/blog-post_13.html

وللاسف الشديد تقولشى كنت بقرا الطالع يا اخواتى ينزلنا قرار قرعى ان الدول الاجنبيه حتدخل فى البنيه التحتيه وتعمل مشروعات استثماريه بالمره بقى عشان يعرفوا كل ثغره فى بلدنا

بس مش حيحتاجوا يحاربونا هم محتلينا منغير حرب اصلا

وادى النيل فى طريقه للبيع ...

قولولى بقى مصر والسودان مش موافقين وبيعملوا اتفاقيات والذى منه بس على مين

دا سيناريو مرسوم ولو طلع زعبوله من تربته وكدب الكلام بتاعى برضو مش حصدق

ولو سونه حلفلى على الميه تجمد برضو مش حصدق

المشكله مبقاش فى مصداقيه بين الحكومه والشعب

ولا حيبقى في مصداقيه غير اما تتلم عصابه ابو لهب كلها والحزب الوسنى ويولعوا بجاز ان شاء الله

ونبدا نبنى مصر بقى من جديد بناس نضيفه ياخدوا الدين اخلاق وقيم مش عبادات وبس ... ويعرفوا عدل ربنا..

ويقدروا العلم والعلماء .. نيتهم الاصلاح مش السلطه..

مفيش واحد بيحب يعمل خير فى الزمن دا لله ينوبه ثواب ياخد مصر ويتبناها؟؟؟؟

بس السؤال بقى منين نجيب الناس النضيفه ...

اذا كان اى حد نضيف يا مرمى فى السجون يا هج برا البلد يا انتحر من الاكتئاب ؟؟؟

ولذلك والحمد لله على السراء والضراء الواحد بقى واقف مشلول لا بيحس بفرحه

ولا بيحس بزعل جالى تبلد ..

ولو جالنا الفرح وزارنا فى يوم تلاقى نفسك مستخسر تفرح وفى ناس زعلانه

وتيجى تبص ع الناس الزعلانه تلاقيهم بيفرحوا بكوره ومنتخب وهم حالتهم ضنك ..

سبحان الله يعنى خلاص مفيش حاجه بتشغلنا غير التفاهه انا نفسى بقيت تافهه ..!؟

وحلوم ع الناس ليه.؟؟

وحلوم على نفسى ليه... ؟؟

نفسنا نفرح وخلاص اى حاجه تفرحنا اى نجاح ان شاء الله فى لعب البلى؟؟

وبعدين انا اصلا مجنونه مفيش مشاكل يعنى..؟؟

الدور والباقى ع العاقلين ؟؟

وبعدين بقينا نفرح اما نهزم دوله عربيه اكتر من فرحتنا لو هزمنا اسرائيل؟؟

مع ان الاتنين بياكلونا الطين .؟؟

وبعدين هى اسرائيل وحشه ؟؟

دا احنا اللى وحشين وعالم مش كويسه

على الاقل هم معترفين انهم زباله

وبيحققوا المبدا دا يعنى دى ناس عندها هدف انها تبقى زباله

وفعلا حققوا هدفهم ولسه كمان حيبقوا اكتر من كدا ...

وبالعكس هم زباله ومتقدمين عننا ..

بس تقول ايه بقى الزباله حيفضل زباله...

يعنى مش حيجيلوا يوم ويبقى حد نضيف يعنى....!!؟

الدور والباقى علينا احنا يعنى احنا الحمد لله مش زباله

بس بنزبل نفسنا مش فاهمه ليه يعنى يمكن عشان فى ناس مصره تاكلنا الزباله

وتعيشنا عيشة الزباله ...

طيب واللى ملوش نفس فى الزباله واكلها واللى نفسه ينضف شويه يعمل ايه؟؟؟

ياخد نفسه ويطلع على بلد نضيفه

المشكله بقى ان حتى البلد النضيفه بتشم ريحتنا ويقولوا اشمعنى بتاكلوا زباله فى بلدكم؟؟

وجايين تاكلوا هنا اكل نضيف ... ؟؟؟

يعنى المصرى ملوش يد انه يبقى زباله وملوش حق انه يطالب بانه ميبقاش زباله؟؟

يعنى الزباله والتزبيل اجبارى مش اختيارى ومفيش استعانه بصديق قصدى بزبال؟؟؟

ما علينا من حديث الزبالين اللى مسترسله فيه ...

بس انا نفسى فى شىء واحد بس اننا ننضف من الزباله شويه

واننا نحرق الزباله نفسى فى مكنسه بالكهربا تشفط كل الزباله بس تفتكروا نجيبها

كورى ولا يبانى .. ولا اتحاد اوروبى..

ولا مصري تقفيل امريكى؟؟؟

كانت معكم رئيسه مجلس زبالين مصر القديمه والجديده سومه