تعلن شركه مينوفوكو للسلع المعمره
عن اصدارات جديده من الشعب المنوفى الاصيل المعمر المطاط يعيش ميه وخمسين سنه ....
بلاستيك وباستيك....واختبروا المتانه.....
والبوست دا لخطيبى وبحذر اللى يفهم غلط وعلى راى الست زكيه زكريا متركزش عشان متهيسش
.....................................................
حبيبى انت يا كهنه
حبيبى انت يا كهنه يا متبت فى الرياسه
شغلانه حلوه وسهله ومش عايزه كياسه
على كل كتاب ليك صوره تتلم فى الكناسه
شعاراتك يا حبيبنا بتطهر من النجاسه
................
حبيبى انت يا راسى يا متعلق ع الحيط
اخرك يا روحى شبشب تنزل ع الارض تشيط
صوره وبرواز ومواكب وانت يا ولداه تظيط
حبيبى انت يا قاسى يا عاملى فيها عبيط
تعيش ميت سنه يا روحى كلها جرى وتنطيط
..................
بيقروا عليك يا ولدى وتموت انت ناقص عمر
لا حد مقدر تعبك.. راح يحدفوك بالجمر
وانت واخدها قياسه من امريكا لميت غمر
خليك فى عونه يا رب يا ولداه تعب م الزمر
كلك خير ....انسانيه....يديك طوله العمر
...............
ويقولوا احزاب معارضه ويقولوا انتخابات
بس انا حزعق واقول ابوكوا السقا مات
دا هو واحد بس قاعد ع القلب مربع
والناس كلها معاه ماشيينله خدام وتبع
................
رغيف عيش مين ياد ما بتاكل كرواسون
وديمقراطيه ايه ....حتعيش دور افلاطون
يا شعوب يا جربانين ما بتغسلوا برا صحون
دا حبيبك ياد وحبيبى بريل فى ازاله الدهون
............
عملولك يا عيونى حفله كلفت ملايين
مش كانوا جابوا النص وساعدنا التعبانين
...............
المترو معجزاتك....بقى يموت فى الناس
وعبور مين يا حياتى...بالعباره عبروا خلاص
ناس وفى داهيه غرقوا وانتوا ليه زعلانين
ما فى سبعين مليون عايشين وموكوسين
..................
يا ناس عيشوا فى عنوسه ما كفايه اللى اتجوزوا
وشيوخ حللوا البوسه ...وفى ناس عبط اتدبسوا
سلام وبوسنا الايد وكمان لحسنا الجزم
واهو مات على الحدود شهداء رزم رزم
.......................
يا عم حس بيا خلاص صوتى اتنبح
وانت راكب بى ام وراكبنى ميت شبح
..........................
يا حبيبى انت يا بطيخ يا خطيبى يا متدلع
الشعر دا مكتوب فيك واللى مش عاجبه يولع
دا كلام مجانين يا حبى ما انت عارف باب النجار مخلع
انا حجرى انا واستندل واسيبك مع الامن تلعلع
................
تحدثكم عاشقه الكهنه الماسوفه على شبابها
(بطيخ مش حتقدر تغمض عنيك;))
4 تحب تتجنن معايا!:
السلام عليكم....
ازيك يا سومة
لا بجد جاااااااامدة
بس مبرووووووووووووووك بأه خلاص فك رجلة اخيرا من التربيعة وغار فى ستييييييييين الف دهيية
وان شاء الله حنتجوز كلناهههههه
ومش حيبقى فى موكوسيين ولا عرييانيين
ولا عطليين
وحندى اى حد حيذلنا بالجذمة والى مش عجبة هو كمان يروح فى دهية وراه باب مصر يفوت 1000 جمل
بكرة ن شاء الله لينا وان شاء الله بكرة حيبقى احلى مش اتكلمنا وان الله لا يغير ما بقوم حتى يغيروا ما بأنفسهم ...
دومتى بخير
فى رعاية الله...
shemo
السلام عليكم
صباح العزة والكرامة..
صباح الثورة والحرية والفخار ..
والخلود لشهدائنا..
والخزي والعار لخيشة الكهنة
كل سنه وانتي طيوبه
انتي وخطيبك
والكهنه الوحشين لا:)
ثقافة الهزيمة .. أنها حقا عائلة محترمة
فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...
باقى المقال ضمن مقالات ثقافة الهزيمة بالرابط التالى www.ouregypt.us
إرسال تعليق