شعبك يا مصر
شعبك يا مصر بيتكلم بعلو الصوت
شعبك عمل ثوره هزت كل البيوت
شعبك يا مصر صوته على
واللى اتخرص راح يموت
........................
شعبك يا بلدى
شعبك يا بلدى عاش عمره كله ما بين زليل وعليل
شعبك نفض من التراب وبيطلب التغيير
فوقى يا بلدى الكون من حواليلى بيتغير
فوقى وبطلى تشوفى الكون وهو صغير
.......................
وقولنا خير
وقولنا خير والثوره قامت واحنا حنتغير
وناس قاعده على الفيس تحكى وتتشير
ونزلوا ناسك فى الشوارع يحموا مبانيكى
والموت بيحصد فيهم حصد وشعوب تهنيكى
جيشك وشعبك ايد فى ايد بيخدموا فيكى
وناس بتدهن شوارعك وناس تشيل الزباله
وناس تقول بلاش شفيق وناس تطالب باستقاله
وناس بتلحس ترابك يا بلدى وبيكتبوا الف مقاله
وناس لسه بتتهم بعض شعبك بالعماله والجهاله
.................................
اعلام يشيل ويحط فينا والقلب حزين ومتكدر
.............................
مشى شفيق
ومشى شفيق وجه عصام قولنا البلد زهزهت
وناس طلعت فى الشوارع بكيت ونهنهت
قولنا خلاص مفيش كلام سكوت حنبنى الوطن
وكل فارس معاه لجام حنفوق نعدى المحن
لكن انتى شعبك يا بلدى فاق كل التوقعات
وكل راس فيكى براى وباعوكى فى المزادات
وظهر صراع السلطه وصراع مع الحضارات
وناس بتشتم فى جيشك وتجيب مبررات
وناس تقول بعض شعبك شايل متفجرات
وبقينا مسجد وكنيسه وبناتك عاهرات
وبعض ناسك يا بلدى بقوا ينفخوا فى الكير
والوحده دى منزيفه وستاره للتغيير
وناس تقول اخوان وناس تقولك سلف
يا خساره يا بلدى اتارى شعبك كله تلف
ورجعنا تانى يا وطنى ما بين زليل وعليل
...................
وناس توقع فى بعض وناس بتتشاكل
وناس تقول ارحمونا الثوره خلاص بتتآكل
وصرخنا باعلى صوت وقولنا كلنا واحد
طلعلنا من بين كل البشر واحد وقال ....
عاوزين ديمقراطيه متفصله بالمقاسات
وانا بس حتكلم والكل يقعد فى سكات
الثوره دى بتاعتى وانتوا تبقوا مين
ونسى ان الثوره ثوره الملايين
ثوره الشعب كله وهو زمان كان فين
......................
عاوزين ديمقراطيه متفصله مقاسات عاوزينا نكتم صويتنا ونقعد كلنا فى سكات
لا لا والف لا والكل مصريين لا فى اخوان ولا سلف ولا ناس عاديين
ولا فيكى مسلم ومسيحى وكلنا من الطين
واللى يخون اخوه واللى يقوله عميل واللى بينشر شائعات وينادى بالتهوييل
واللى يتهم جيشك بانه متواطىء او انه متباطىء او انه سايب حسنى واعوانه يبلبطوا على الشاطىء
عمره ما كان منك يا مصر عمره ما كان من الوطن كان طول عمره يا بلدى دايس على العلم
حيعيش ويموت وهو عايش كله الم لو شافك يوم بتعلى وتعلى الف علم
لو شاف ولادك يا غاليه على طول متجمعين لو شاف ترابك البنى بقى اخضر بعد الطين
لو شافنا ايد واحده حتكون حياته سراب ....
فوقوا يا اهل بلدى وكفايه لحد كدا خراب....
وارجعى تانى لثوره الاحباب مش ثوره الاحزاب ....
....................
ودى حكايتك ودى نهايتك وبدمعى كتبتها ليكى ....
قصة شهيد دمه سال عشان دموع عنيكى....
وقتله مرة رصاص غادر وقتلوا شعبك الف مرة بعد ما وأدوا امانيكى ....
...................................
15 تحب تتجنن معايا!:
تسلمي كل كلمه خرجت من قلب سليم بيحب و يعشق ميه النيل و عايش و شايل هموم كتير معلشي الصبر اخرته فرج جميل .
يارب حنقول ايه غير يارب
عندك حق فى كلامك بس اوعى تحس باليأس او تفتكرى ان مفيش حل فى كل الحالات لو ماشيين فى طريق غلط فلازم نوصل لنقطة معينةعلشان نفوق اوى ولو طريق صح يبقى فقنا يعنى الطريقين خير وزى ما انت بتقولى كده كتير
بيقولوا وفيه بينفذ بس احنا معدناش بنشوف غير الوحش ولو ظهر غيره مش هنعظم غير الوحش انت وانا وغيرنا قال كده وبدأوا بنفسهم وغيرنا كمان وان شاء الله خير
خليكى فكرة التاريخ مر فيه الاسوأ من كده بكتير اوى وزى ما بتلاقى حكمة عند فلاحين البلد اللى مش متعلمين اكتسبوها بالسنين فاعرفى ان البلد دى برده كده متعرفيش ومتقدريش تتوقعى ايه اللى هيحصل بس اتأكدى انها الأمان والصمام ومحمية من ربنا
اختي سومة..
سعيدة بالوصول إلى مدونتك .. وتسلمي على الكلمات الجميلة في حق ام الدنيا مصر .. ربنا يديم عليكم الحرية والكرامة ويوصل بلدكم لبر الأمان ..
تقبلي خالص احترامي وتقديري.
اهو ده اللى صار و ادى اللى كان ملكش حق ؟؟؟؟؟؟
خالص تحياتى
كلمات مجنونه حقيقيه وعندكى كل الحق فى كل كلمه ولكنها نابعه من الداخل فوصل معناها لنا بكل دقه
تحيتى لقلمك وتحيتى لمدونتك الرقيقه الجميله
تقبلى مرورى وتقبلى تحياتى الاحـلام
نتمنى أن تصبح مصر النقية.. مصر المتقدمة ..مصر الخير.. مصر الحب.. مصر الود بين جميع الأطياف..
نتمنى ألا تشغلنا التفاهات وان يشغلنا مشروعنا القومى للنهوض بالبلد..
ثومه يا ثومثوم .. جيت لك آهه
ازيك يا بت وازى عمرو الذى ضربه زيد زمانن وما زال زيد يضرب عمرو
عاملين ايه والماما ولاقيتك انتى وماما مخترقين الفيس بوك بتاعى .. وانا طبعا انت عارفه بعك واهبل ولا انا عارف حاجه وساعات بتيجى معايا زى ما بتيجى مع العور طابات
سلمى لى على الماما على عمرو الذى ضربه زيد
تحياتى
غيرى البروفايل بتاع عادل امام عشان طول عمره بيخدع الشعب المصرى واتاريه فنان النظام وليس فنان الشعب
جميلة بجد يا سومة انتى بجد اللى كتباها؟؟
بجد تسلمى عليها ولتحيا الحرية ويسقط الذل والعبودية
امين يارب
منتهى الصدق فى كلماتك
ومنتهى الامل وانصحك بالصبر وطولل البال
تحياتى
ثقافة الهزيمة .. العتبة الخضراء
و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار. و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.
..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!! باقى المقال ضمن مقالات ثقافة الهزيمة بالرابط التالى
www.ouregypt.us
نص جميل ومرتبط جدا بنفس البوست اللي فات
القصة واحدة، والثورة مُهددة جداً بالفشل لسبب بسيط وهو اختلافنا كمصريين مع بعض، وظن كل طرف إنه هو الأصح، وبالتالي هترجع ريما لعادتها القديمة زي كل مرة
ياااااااااااااه وحشتنى المدونة دى
فيييييييينك من زمان
الـــله !
كلام صحيح وإن كان مؤلم وإن كان صعب، شكراً على الكلمات الراقية دي :)
____
3een-wants-to-see.blogspot.com
إرسال تعليق